पक-पक.......

बलात्कार - पाशवी पणाचा कळस.......

2010-10-08T21:56:00.000+05:30

मध्यंतरी "लोकसत्ता" मध्ये एक अत्यंत भयंकर बातमी वाचली

संदर्भ: http://www.loksatta.com/index.php?option=com_content&view=article&id=100861:2010-09-14-18-38-33&catid=25:2009-07-09-02-01-06&Itemid=2

वाचून डोक्याला मुंग्या आल्या... माणूस कसा काय इतक्या खालच्या थराला जाऊ शकतो ????

सध्या एकंदरीतच बलात्कारांचं प्रमाण वाढलेलं आहे ... ३ वर्षाच्या मुलीवच्या अत्याचाराची बातमी वचून त्या माणसाच्या???(त्याला जनावर म्हणणं हा जनावरांचा पण अपमान होईल. ) मनोविकृतीची आणि लिंगपिसाट पणाची कल्पना यावी...
याला जिवंत जाळणाऱ्या गावकऱ्यांच विशेष कौतूक ..... ह्या लोकांना अशीच शिक्षा मिळाल्याशीवाय इतरांना जरब बसणार नाही ... ..
जाता जाता .. मनात विचार आला.. जर त्या मनोविकृतास लोकांनी पोलीसांच्या स्वाधीन केलं असतं तर ???? खटला किती दिवस चालला असता??? .. मला तरी असं वाटतं या असल्या गुन्हेगारांसाठी खटले वगैरे न चालवता, Direct शिक्षेची तरतुद असावी ...
पण जिथे आपण(कारण या सरकारला आपणच मतदान करून किंवा न करूनही निवडून दिलय म्हणूनच "आपण") कसाब आणि अफजल गुरूसारख्यांना डुकरांना(परत एकदा बिचाऱ्या प्राण्यांचा अपमान) साधी फाशी सुद्धा देत नाही. तिथे असल्या विकृतांना काय शिक्षा देणार???

परत एकदा सावलीच्या गावकऱ्यांना सलाम....

एक उनाड दिवस.......

2010-07-30T20:52:00.001+05:30

गेले बरेच दिवस पाबे-मढे घाटात जायचा विचार मनात घोळत होता, आणि अचानक आजचा योग जुळून आला...

पप्पांचे मित्र बानगुडे काका यांच्या गावाची, रांजण्याची, आज सरपंच पदाची निवडणूक होती, .. अशीही मला सध्या Second Shift आहे आणि पप्पांना पण मोकळा वेळ होता,.... मग काय??... आम्ही दोघं पण निघालो त्यांच्याबरोबर... सध्याच्या पावसाळी दिवसांत इथलं वातावरण, आणि त्यातुन दिसणारी हिरवीगार भाताची खाचरं अफलातूनच... अजुनही भाताची लावणी सुरू आहे, त्यामुळे भात खायला जितका सोपा असतो, पण उगवायला केवढे कष्ट पडतात याची प्रचीती आली.. :-)

अप्रतिम निसर्ग समृद्ध असलेला हा पावसाळी स्वर्ग एकदातरी प्रत्येकाने बघावाच....


नुकताच पडुन गेलेला पाऊस

पानशेत कडे एक नजर...

बांधावरून वहाणारं पाणी


काळूबाई मंदिर...

भात शेत....


गवत फुल..

पालवी....

काकांची आत्या आणि पुतण्या...


पाबे खिंडितून ३६०° ची नजर ....

सगळे फोटोज्‌ Olympus µ720SW

एक मात्र सतत जाणवत राह्तं, कोकणापेक्षा इथे स्वच्छता तशी कमीच.. रांजणे गाव तस डोंगरातच आणि छोटसंच, घरं पण छान टुमदार, पण...... गावात मात्र अत्यंत अस्वच्छता.. कोकणात मात्र प्रत्येक घर आणि आजुबाजूचा परिसर कमालीचा स्वच्छ असतो... इथे असं का नाही याचीच हुरहुर लागून रहाते ... एकंदरीत "घाटावर स्वच्छता कमीच असते" असं कोकणी लोक बोलतात याची प्रचिति येते...

डोंगरांवर ठिकठीकाणी पडलेल्या दारूच्या बाट्ल्या, प्लॅस्टीक पिशव्या, गुटख्याच्या पुड्या पाहून मनाला प्रचंड त्रास होतो.. आपण खरच कधी सुधारणार ????

मात्र परतीच्या प्रवासात ९०% भरलेलं खडकवासला धरण बघून मन मात्र सुखावलं...

मॅनफोर्स on Disney

2010-07-25T19:16:00.002+05:30

काल नेहमीप्रमाणे Phineas and Ferb बघत होतो आणि ब्रेक झाला. चॅनेल न बदलता जाहिराती पहात असताना अचानक "ती" जाहिरात लागली आणि थक्क झालो ...
कारण "ती" जाहीरात या चॅनेवरही दिसेल याची अपेक्षाच नव्हती.

ज्या चॅनेलचा ८०% प्रेक्षकवर्ग ८ ते १४-१५ वर्षाचा आहे त्यावर "मॅनफोर्स चॉकलेट फ्लेव्हर्ड कंडोम" च्या जाहीरातिचं काय काम????
ही कुठली Marketing Strategy???? आणि हे exclusively लहान मुलांकरताचं चॅनेलपण अशा जाहिराती दाखवतं, याला काय म्हणायचं ???

टेलेव्हिजन करता सेंसॉर नाही याचा अर्थ असा होत नाही की कोणीही, कुठेही आणि कुठल्याही जाहीराती दाखवाव्यात....!!

गेल्यावेळेस सुध्दा मॅनफोर्सवाल्यांच्या जाहीराती अंगावर यायच्या.. दर दोन जाहिरतींनंतर यांची "Unwanted-72" या Emergency Contraceptive ची जाहीरात असायची .आणि as-usual त्या जाहिअराती पण खुप भडक असायच्या.
त्यावरच Yahoo वर एक Article वाचलेलं आठवतय की नोएडा मध्ये Emergency Contraceptive ची विक्री अचानक पणे ८० ते ९० ट्क्क्यांनी वाढलेली आहे. याचे दूरगामी परीणाम भयंकर आहेत.

आणि हो इतर चॅनेल्सवर चालू असलेल्या "डेली सोप" राड्यावद्दल बद्दल काही वेगळं बोलायची गरजच नाहिये...

हे सगळं बघून अस वाटायला लागलय की TV ला खरचं सेंसॉरशीप ची गरज आहे.......

थोडं ऑफ टॉपीक पण अजुन एक, आजच (रविवारी २५ जुलै ला) Disney-XD वर दुपारी "सिंग इज किंग" (हा अत्याचार मला मुंबई वरून येत असताना बस मध्ये सहन करावा लागला होता. ) नावाचा टुकार चित्रपट कॉमेडीच्या नावाखाली लागला होता. याच्या बाबतित पण न कळलेली गोष्ट म्हणजे ह्या चित्रपटात लहानांनी पहावं अस काय आहे ??????

फिनिएस & फर्ब

2010-07-23T21:27:00.001+05:30

सध्याचं माझं सगळ्यात आवडतं कार्टून म्हणजे डिस्ने चॅनेलवरचं फिनिएस आणि फर्ब ...
तशी स्टोरी फारशी काही विषेश नसते.. पण छान करमणूक होते....

यातली मुख्य पात्र म्हणजे फिनिएस आणि फर्ब त्यांची बहीण कॅंडिस आणि त्यांची मित्र मंडळी, मॉम डॅड इ...
यात अजुन एक ट्विस्ट म्हणजे
त्यांचा पाळलेला एक प्लॅटिपस त्याचं नाव पेरी (हा एक सिक्रेट एजंट असतो) :) आणि त्याचा शत्रू डॉ हाइंझ डुफिनस्मर्ज.

"Perry the Platypus as Secret Agent"

सर्वसाधरण स्टोरी लाईन अशी....की...
उन्हाळ्याच्या सुट्ट्याआहेत...
फिनिएस आणि फर्ब काहीतरी रोज काहितरी नवीन गॅजेट्स्‌ बनवताय्त.. मग ते रोलर कोस्टर पासुन टाईम मशीन पर्यंत काहीही असू शकतं.... आणि कॅंडिस त्याचे कारनामे आईला सांगून या दोघांना पकडण्याकरता सतत प्रयत्न करत अस्ते... नाहि म्हणायला तिचि एक मैत्रीण असते स्टेसी आणि एक बॉय फ्रेन्ड जेरेमी ..

हे सगळ चालू असताना अचानक पणे एक डायलॉग येतो .. "पेरि कहा है। / Where is Perry....." .. आणी मग कहानी मे ट्विस्ट... "कर्‌ऽऽऽऽऽऽ" असा आवज काढणार पेरी टोपी घालतो आणि अचानक सिक्रेट एजंट बनतो ... त्याच्या एजंसीचं नाव आहे O.W.C.A (Organization Without Cool Acronym) आणि त्याचा मुख्य मेजर मोनोग्रॅम.. तो पेरी ला मिशन देणार डॉ. हाइंझ डुफिनस्मर्ज काहीतरी Evil करतोय आणि जा आणि त्याला थांबव....

या डॉक्टर शास्त्रज्ञ्याची ची कंपनी पण आहे "डुफिनस्मर्ज एव्हिल इनकॉर्पोरेटेड" ...

तर या डॉक्टर चे "Evil" प्लॅन्स पण मजेशीर असतात... जसे त्याला पेरी कुठे रहातो हे माहित करुन घ्यायच असतं .....का?? तर त्याच्या घरची बेल वाजवून पळून जायचं असतं हा त्याचा "Evil" प्लॅन ... :D ...

आणि हो .. यातली गाणी पण एकदम "बेष्ट" असतात....
इथे एक एपिसोड टकतोय .. Thanx to You Tube